G.E.M. 寸鄧走音鬧肥杏賤惹來是非

G.E.M. 寸鄧走音鬧肥杏賤惹來是非

維基解密的厲害毋庸置疑，高登解密的破壞力也不能少覷！
最近網民「高登天后瓊姐」爆破了新進歌手鄧紫棋（ G.E.M.） 15歲時撰寫的 Xanga，
內裏網誌粗口橫飛，除夾雜狂寸鄧麗欣歌藝差、吳卓羲舞技劣、胡杏兒是全世界最賤的演員外，
又有 G.E.M.與舊愛 Bryon到梅窩三日兩夜的「新婚」初體驗回憶。

昨日高登討論區人頭湧湧，原來女神 G.E.M.的 Xanga被人爆破，旋即吸引無數高登仔眼球，
邊食花生邊留言，爭睇女神真面目。其 Xanga網誌全是圍繞 06年和 07年，
首頁分別有 G.E.M.和舊愛 Bryon的私照，用戶名稱是 Gloria（鄧的洋名），
出生日期亦與 G.E.M.相同。 Xanga裏雖有 G.E.M.的 MSN、 ICQ等個人資料，
但戲肉還是網誌的文字內容。

一向予人好 pure好 true的 G.E.M.現已 20歲，原來年幼時非常粗鄙，當時還在念中四的她，
語氣已非常驚人，字裏行間 F前 F後，又不留情面寸盡藝人。 06年無綫頒獎禮，
胡杏兒未能憑《肥田囍事》奪視后， G.E.M.便寫道：「好嘢，死肥杏冇獎！
佢係全世界最肥最賤最樣衰最唔識做戲最乞人憎嘅演員！如果畀咗個女主角獎佢，
我一定興到炸！即刻打爛部電視。」無巧不成話，後來 G.E.M.和杏兒是同屆樂壇新人，
結果 G.E.M.在商台吒咤頒獎禮中將杏兒擊敗。

G.E.M.連 Stephy也不放過，她說：「好多人都知我唔鐘（鍾）意鄧麗欣，佢唱 live真係驚嚇！」
但她對男明星卻有另一態度，有次跟吳浩康合照，
不忘在 Xanga晒命：「我的天！最親愛的 Deep……最興奮都係 ah Deep讚我唱得好，
哇卡卡！」她對台灣幫亦情有獨鍾，尤其是飛輪海的吳尊和炎亞綸，難怪現在會情傾林宥嘉。

**網上世界真係,唔識就比人玩死,陳年舊事都囉出嚟講
不過道高一呎,魔高一丈,有辦法咁止d傻老囉堅料嫁,
就係將佢變成全部一樣........哈哈哈!