公仔聲楊思琦與拍拖9年的李泳豪分手

公仔聲楊思琦與拍拖9年的李泳豪分手

楊思琦與拍拖9年的李泳豪分手，傳思琦懷孕兩個多月，孩子父親是她的舊同學Andy Ng。
自懷孕消息傳出，思琦迴避懷孕問題但沒有否認。如果係真事,即係比綠帽舊男友戴

事實係真係假呢?
睇吓佢嘅八字就知道一dd啦



轉貼~7月7日蘋果(後補貼)

思琦想生B 請假9個月
楊思琦狠撇相戀九年的李泳豪，同時傳出戀上舊同學Andy Ng，更盛傳有喜，長情玉女形象立即蕩然無存，昨晚楊思琦接受無綫訪問，含糊其詞解釋分手時序，但亦未能贏得同情。
據知，坦言恨做媽媽的思琦已向無綫請了九個月長假，但並沒有交代去哪裏。

受盡全城指摘，負心撇男友李泳豪及盛傳有喜的楊思琦，自單方面宣布和豪仔分手後形象插水，昨晚楊思琦接受無綫《東張西望》訪問，哭成淚人為傳言解畫，但內容卻疑點重重，言詞含糊，顯然並未能為她爭取到同情分數。訪問中思琦再度強調去年和豪仔感情開始有分歧，被問及到底何時正式分手？她含糊地說二、三月時正式搬離：「搬開係因為諗住大家唔可以一齊，就打算分開，搬嘅時候佢屋企人都在場，都知大家咩事。」

搵「照顧自己」對象
被問到分手後為何上月仍出現在豪仔生日會？思琦說：「大家識嘅朋友都有出現，豪仔好想我去，作為朋友，雖然分開咗，都唔想喺佢咁開心嘅日子唔出現。」思琦更指家人亦曾反對她分了手仍出席對方的活動，當主持人問到豪仔當時曾說過計劃結婚之言，思琦口震震地說：「我當時好矛盾，冇諗過佢會咁，我都好愕然，冇咁嘅打算同計劃。」

思琦重申宣布分手前和豪仔有共識，更暗指有人放料，她說：「我同佢電話聯絡過，話我會同傳媒講，你未必接受到，但我都會講，但未宣布之前已經有人跟，佢哋知得好快囉，好愕然。」但當講到被傳有北京跳水隊成員新歡Andy Ng時，思琦語氣明顯顧忌及眼神閃避，一時說未放得低，一時又說要盡快找合適的人，思琦說：「我心情好亂，仲未放得低大家嘅感情事，係時間留意吓身邊嘅朋友，一直關心我嘅人都好多，好想搵個啱自己，照顧到自己嘅合適對象。（有指你懷孕？）可能我成日同人講我鍾意小朋友，自己年紀真係唔細，都33歲，開始見到屋企人年長，60歲嘞，想快啲搵個啱嘅人，快啲有自己屋企、自己嘅小朋友，等佢哋可以抱孫。（懷孕事係冇嘅？）係。（你都想快啲？）希望快啲啦！」據知，思琦已向無綫請了九個月長假，但並沒有交代為甚麼請假或去哪裏。

泳漢斥大話連篇
而昨晚思琦接受電視訪問，Andy亦於昨凌晨二時許於微博寫上：「有人故意歪曲事實的真相，而所有人一定只會同情弱者。我相信，當事實真相公諸大眾的時候，再評論對與錯也不為過。」似在暗中力撐思琦！其實，Andy數月來不時跟思琦微博傳情，有次思琦上載杯麵照，馬上被Andy「責罵」，勸她不要吃無益食品，因為：「你還有很重要的任務呢！切記！」留言耐人尋味。

至於受情傷的李泳豪電話昨晚一直未能接通，但知情人士透露豪仔昨晚有看思琦訪問，並哭成淚人。記者在李家等候時遇上其兄李泳漢，拖住思琦與豪仔的第一隻狗「懵懵豬」。問起豪仔是否知道思琦訪問時，他鬧爆：「佢知，佢心情同成家一樣，好心痛。好多朋友睇到佢個訪問都打嚟，話替細佬好唔抵。大家相處咗成10年，唔明點解思琦唔講真話去還豪仔一個公道，要講大話掩飾？」他謂有證據證明豪仔才是說真話，不公開是避免任何一方受傷害，並說：「對思琦為自己同新歡講大話好失望。」

「真相一早出咗嚟」
對於介入思琦與泳豪的「第三者」Andy Ng在微博指有人歪曲真相，泳漢激氣地說：「其實真相一早出咗嚟，唔明仲有乜真相？如果係男人就企出嚟講，唔好放暗箭，要個女人出嚟講，點解你係男人唔企出嚟解決？以前都係豪仔企出嚟幫思琦擋，好多人都有眼睇！」他指豪仔現時十分傷心，全家相陪，怕他出事。

楊思琦昨日聲淚俱下接受訪問，不過她的剖白內容卻充滿矛盾，根本沒有解開疑團。

搬離愛巢？
思琦昨日稱今年二、三月已搬離與豪仔同居愛巢，其父母在場亦知道。但日前李家鼎與施明均否認。而翻查資料，今年三月思琦還公開以「男友」稱呼豪仔。

翹到咁實？
思琦昨日稱豪仔求她出席自己的生日會，雖然家人反對仍畀面到賀，但見記者在場和豪仔講婚事感愕然。其實當晚思琦由屋企出發時已知道有記者追訪，到場後又主動翹實豪仔任影，被問到婚期時她更說：「慢慢計劃，佢都未求婚！」

有冇懷孕？
思琦至昨日被問有喜一事支吾以對。其實六月三十日記者發現思琦穿平底鞋和鬆身衣現身，被問是否懷孕亦沒有親口否認，還不避嫌揚言恨生BB。

李家鼎怒插思琦 「最醒一哭二鬧三上吊」
楊思琦在《東張西望》中哭訴心聲，還暗示李泳豪未能照顧到她，才忍心揮別九年情。身為泳豪父親的李家鼎對於思琦的指摘怒不可遏，還爆粗逐點反擊。他說：「佢話2、3月有共識都多×餘，佢當時仲過嚟我屋企同隻狗玩，又嚟同我哋食飯；5月豪仔生日，佢都有嚟！我夠膽講佢哋當時百分之二百冇分手。因為上個月26日仲過嚟片場搵豪仔，一直陪豪仔到食消夜，仲話佢畀錢；佢第二晚又再嚟，如果佢哋一早有共識分手，我仲同佢食飯咩？當我傻o架？」

對於思琦在訪問中哭得梨花帶雨，強調想搵一個照顧到她的人，鼎爺即反駁：「佢最叻係乜呀？佢最叻就係標眼淚，最醒就係一哭二鬧三上吊。佢唔係搵照顧到佢嘅人咩？又搵多個，搵埋第三個呀？講×埋啲廢話！」問到泳豪現在的情況？他說：「我日日都陪住佢、安慰佢。佢初戀就拍咗9年拖，咁就分手，個人梗係晃吓晃吓啦，我唔畀佢揸車o架，費事大吉利是。」對於思琦表示會請假九個月，鼎爺說：「佢想點就點，唔×關我事！」


泳豪戴綠帽9年 情敵寸爆：個BB係我嘅！
楊思琦與李泳豪9年情忽然斷尾，女方上周更單方面宣佈分手，與舊同學Andy暗交11年，令泳豪慘戴綠帽達9年之久。Andy更在微博發功，「我中彩，唔係你，個BB係我嘅！」

思琦意外懷了Andy種，立即與泳豪斬纜。據報道，之前思琦單方面宣佈分手，Andy即刻喺微博留言：「這個月是值得紀念的月份，十一年的戀情終於有了結果，我會盡最大努力，照顧和愛護她。」暗寸泳豪扮受害者博同情及扭曲真相，不過留言一出，5分鐘又被刪走。

7月10日
被指不事生產打豪仔  泳漢震怒叫思琦對質2011年07月10日
楊思琦與李泳豪分手後負面新聞不絕，縱使上周她在《東張西望》落淚剖白，也未能博得同情。至昨日，思琦接受周刊訪問時直指分手導火線是跟豪仔母親施明及兄長李泳漢相處不來，又公開數臭施明母子十宗罪，思琦直認 Andy Ng吳帥是新歡，但強調跟豪仔分手後才交往，為令豪仔死心才訛稱有 BB。對於思琦指控，李泳漢昨怒不可遏說：「佢講嘅嘢全部唔係事實，歡迎楊小姐同我當面對質。」

楊思琦上月底自爆與拍拖 9年男友李泳豪分手後，負面新聞不絕，一時指她一腳踏兩船，一時又指她貪慕虛榮搭上北京富商，甚至指她為新歡 Andy Ng珠胎暗結，加上李泳豪離婚父母李家鼎和施明以及豪仔兄長李泳漢出手圍插，令思琦形象跌到谷底。
直至昨日，楊思琦終公開分手真相，她在接受周刊訪問時，直指分手導火線是與同住的豪仔母親施明及兄長李泳漢有關。思琦在訪問中狂數施明與李泳漢母子十宗罪，包括大家由西貢搬到九龍塘同住時，施明母子要求她支付全屋搬運費、母子二人經常視她如空氣不瞅不睬、家中工人只照顧母子二人而不會照顧她，甚至連豪仔也不獲照顧回家冇飯食。

思琦又指豪仔將整份薪水養家，施明也嫌不夠，要兒子碌卡，有見豪仔找卡數十分辛苦，甚至連自己食飯錢也不夠，她也不會計較出手幫忙。思琦指李泳漢沒有工作賺錢，他與施明經常冷待豪仔，又經常跟豪仔吵架，甚至見過李泳漢打豪仔至斷手，自己嘗試勸交，但豪仔卻指不關她事着她不要理會，結果加深施明母子對她的不滿。

思琦認結新歡
除無法跟施明母子相處外，思琦更指拍拖以來豪仔總迴避跟她父母見面食飯，令她覺得不受尊重。拍拖多年，思琦曾建議跟豪仔結婚，但豪仔表示一切從簡，跟思琦希望有周詳計劃組織家庭大有分歧，結果二人結婚計劃沒有下文，在去年，二人之間分歧和裂痕越來越大，感情出現問題，在痛定思痛下，思琦便於數個月前提出分手，在今年 2、 3月開始執拾，並於 4月正式結束跟豪仔男女朋友及同居關係。思琦表示，當日搬離時施明及豪仔也在場，不明二人為何聲稱不知道。
訪問中，思琦承認與香港前跳水隊隊員吳帥 Andy交往，二人早年認識，直至今年 5月跟豪仔分手後才跟 Andy交往，她指 Andy只是從事貿易的打工仔而非富豪。對於懷孕傳聞，思琦強調沒有懷孕，她當日向豪仔表示自己有 BB，無非是想令他死心，由於多年來豪仔負面報道不絕，她不想豪仔受傷害，才不向外公開分手真相，卻沒料到到頭來自己受千夫所指。

施明：家門不幸
記者昨日曾致電思琦，但她透過短訊回覆說：「多謝你，我不想再回應了！」至昨晚 9時許，思琦更新微博表示：「媽媽弄了好味的雞翅膀給我吃，胃口大開，一口氣便吃了七隻呢！」而吳帥以 cthk118為名的微博昨日也刪掉所有留言。
對於思琦指控，李泳漢昨在電話大表震怒說：「我家情緒好唔平復、好嬲！佢講嘅嘢全部唔係事實，歡迎楊小姐同我當面對質，佢講嘅嘢係誣衊、係假嘅，佢根本喺度轉移視線！」問施明看到報道後心情怎樣時，李泳漢說：「我媽咪念緊經，佢話家門不幸！」記者曾致電豪仔和施明，但一直未獲回覆。採訪：林妃
思琦狂數李家十宗罪
1〉家人對她不瞅不睬，比對街外人還要差
2〉思琦的物品被家人「亂咁掟」，零尊重
3〉無理被要求支付全屋的搬遷費
4〉家中傭人不會照顧思琦
5〉施明苛索豪仔家用，思琦要為他找卡數
6〉指泳漢是大食懶，不工作兼推卸責任
7〉天台漏水，思琦被屈支付維修費
8〉豪仔不會主動跟思琦母親食飯，兩家不相往來
9〉豪仔對結婚毫無計劃
10〉經常家嘈屋閉，泳漢更試過打傷豪仔
李家鼎：佢係咪黐 X咗線
李家鼎近日對兒子李泳豪與楊思琦分手一事相當勞氣，他昨日接受電話訪問，談到楊思琦力數施明及李泳漢，又斥李泳漢曾打豪仔，不工作又要豪仔交卡數等，李家鼎生氣地說：「兩兄弟嗌交打交梗有，呢啲唔係藉口。做唔做嘢關佢乜事？呢啲係佢屋企人嘅事，同佢兩個人拍拖有乜關係？」他謂豪仔養父母沒有罪。
豪仔賽車遭取消

思琦不滿被施明指白食白住，李家鼎說：「我離咗婚唔係一齊住，答唔到你，其實夾唔嚟兩個人可以搬出去住啫。」思琦謂想豪仔死心才說謊指自己懷孕，李家鼎說：「當日記者問佢又唔答，答唔係咪得囉，家佢講多錯多，好心佢啦，男女分手唔係問題，搞咁多嘢做乜？」李家鼎痛心兒子受情傷，並說：「仲要再畀人捅一刀，攞執鹽落去，咁咪死得囉。」他透露本來豪仔在月中要到上海飄移賽車，但車隊老闆見他現況決定取消，李家鼎說：「揸揸吓唔知諗乜嘢炒車咁就大鑊。」
李家鼎昨日也有接受有線電視電話訪問，他再談及思琦控訴李家人，氣得以粗口怒斥：「佢係咪黐 X咗線，不嬲當佢女咁。」他謂思琦與豪仔說分手之時，他不在場，又激動說：「如果我見到佢講分手就天打雷劈， PK死。」

人品好差!

如果這個出生時間是正確,月日柱沖婚姻一定有波折,
而且婚後丈夫運程起伏也大!

鼎爺勁到用發毒誓

李家鼎昨日也有接受有線電視電話訪問，他再談及思琦控訴李家人，氣得以粗口怒斥：「佢係咪黐 X咗線，不嬲當佢女咁。」他謂思琦與豪仔說分手之時，他不在場，又激動說：「如果我見到佢講分手就天打雷劈， PK死。


點解公仔聲唔夠膽當面對質?
又唔發毒誓?
重要搵無線高層出聲?

難道世上的感情~非愛則恨!